關於我們

「職網計劃」(Career Navigator) 為浸信會愛羣社會服務處 職業復康服務的其中一項計劃,是一個多元資訊、教育、求職的線上平台。

  • 求職專區

  • 面試資訊

  • 線上學習

  • 僱主地帶

最新活動

百合谷社企餐廳 - 實習學員的一天

餐飲行業
唔知大家知唔知道社企餐廳同一般餐廳嘅分別喺邊呢?

百合谷餐廳係浸信會愛羣社會服務處旗下嘅一間社企餐廳,專門為弱勢社區同精神康復人士提供培訓就業機會,幫佢哋建立工作能力同自信心,最終可以公開就業,自力更生。

生命教育

大自然蘊藏住無數嘅奧秘等我哋發掘。人與自然相互影響,有住共生共存嘅關係。如果你想探索生命嘅奧秘,不如試下走入大自然,或者可以從中找到答案。

今集生命教育嘅影片,就由威廉Sir 帶領我哋走入大自然,從自然界嘅生命去體會自己嘅生命,從而發現生命中嘅美好。希望今集嘅影片,可以同大家一齊回憶大自然帶俾人類嘅喜悅!

物業管理

物業管理係咪即係做看更?其實物業管理有七大工作範疇,做住宅、商廈同工廈都唔一樣!

但一般嚟講,物業管理員主要負責日常保安同管理工作,但物業管理員同時要兼顧建築物的保養維修、園藝綠化保養、財務管理、人力資源管理等事宜。佢哋嘅專業能力千祈咪睇小!

醫護行業

醫護行業=做護士?非也。

醫療護理職系包括醫護支援人員、護理員、保健員、長者照顧員、物理治療助理、職業治療助理等。每個工種嘅職責都唔一樣

想知道佢哋嘅工作時間、起薪點、邊種醫護工種適合自己?希望你睇完條片,就會得到答案啦!

中醫行業知多D

近年中醫診所助理好似愈嚟愈受重用,市場職位都唔少,到底中醫診所助理要做D乜?點樣入行?要唔要醫學知識?中學畢業做唔做到?人工有幾高?

想了解更多有關中醫診所助理,呢條片就幫到你!做得好嘅話,仲有機會成為超級中醫診所助理,成為醫師嘅得力助手,齊齊拍住打天下!